बर्दिया,
संक्रमणकालीन न्याय र महिला, शान्ति र सुरक्षा सम्बन्धि संयुक्त राष्ट्रसंघ सुरक्षा परिषद् प्रस्ताव नम्बर १३२५ र १८२० सम्बन्धि दोस्रो राष्ट्रिय कार्ययोजना सम्बन्धी पत्रकारहरुको क्षमता अभिवृद्धि कार्यशाला सम्पन्न भएको छ । मधुवन नगरपालिका १ पत्थरबोझीमा पत्रकार महासंघ बर्दिया शाखाको समन्वय तथा द्वन्द्व पीडित समिति बर्दियाको आयोजना र युरोपियन युनियन द स्टोरी किचेनको आर्थिक सहयोगमा बर्दिया र बाँकेका पत्रकाहरुको क्षमता अभिवृद्धि कार्यशाला संचालन गरिएको हो ।
संचारकर्मीहरुलाई संक्रमणकालीन न्यायलाई सम्बन्धी जानकारी गराई शान्ति प्रक्रियालाई टुङ्गोमा पुर्याउन सहयोग पुग्ने उदेश्यले कार्यशालाको आयोजना गरिएको थियो । संचारकर्मीहरुले समन्वय, बिवेकशिलता, सम्बेदनशिलताका साथ सचारमाध्यममा ल्याईदिनका लागि अनुरोध गरिएको छ । द्वन्द्व पीडितहरु मध्य बालबालिका र महिलाहरुलाई बढि प्रभावपारेको हुनाले उहाँहरुको बिषयलाई विबेकशिलतापुर्वक उठाउनु पर्ने द्वन्द्व पीडित समितिका अध्यक्ष भागीराम चौधरीले बताउनु भएको छ ।
कार्यक्रममा नेपालको शान्ति प्रक्रियाको थालनी, सङक्रमणकालिन न्यायको उदेश्य, जवाफ देहिता, पीडितलाई उपचार गर्ने, संक्रमणकालीन न्यायको चरित्र, न्यायका मापदण्ड तथा उपायहरु लगायतका विभिन्न विषयमा जानकारी गराइएको छ ।
सयुक्त राष्ट्र संघको प्रस्ताव नम्बर १३२५ र १८२० को राष्ट्रिय कार्ययोजनाको दोस्रो चरण कार्यान्वायनमा ठाकुरबाबा नगरपालिका उदाहरणीय कार्य गरेको विषयमा नगरपालिकाकी उपमेयर विना कुमारी भट्टराईले जानकारी गराउनु भएको छ । उहाँले आफ्नो पालिका हाल सम्म गरीरहेको अभ्यास, गतिविधि र उपलब्धीका विषयमा आफ्नो प्रस्तुती गर्न भएको छ ।
संयुक्त राष्ट्रसंघ सुरक्षा परिषद् प्रस्ताव नम्बर १३२५ र १८२० को बारेमा द स्टोरी किचनका कार्यक्रम संयोजज मीना बि.क.ले जानकारी गराउनु भएको छ । उहाँले पहिलो चरणमा महिला तथा बालबालिकको आरक्षण र सुरक्षाको कुरालाई उठाएको थियो भने दोस्रो चरणमा यौनजन्य पीडित महिला तथा बालीकाहरुको बिषयलाई समाबेश गरीएको बताउनु भएको छ । साथै महिलाहरुको महिलाहरुको शान्ति सुरक्षाको बिषय जोडिएको बताउनु भएको छ । साथै उहाँले कार्यान्वयनका लागि संरचनागत नीतिको बिषयमा जानकारी गराउनु भएको छ ।
शसस्त्र द्वन्द्वका कारण विस्थापित भएका, अविभावक विहिन भएका, यौन शोषणमा परेका, यातना वा अपहरणमा परेका र संघिय सरकार वा प्रदेश सरकार वा स्थानीय तहले द्वन्द्व पीडितको प्रमाण स्वरुप परिचयपत्र उपलब्ध गराएका महिला तथा बालिकाहरु द्वन्द्व पीडित समुहमा पर्ने गर्दछन । यस्ता पीडितहरुको न्यायका मापदण्ड तथा उपायहरुका विषयमा जानकारी गराइएको छ ।
पत्रकार महासंघ बर्दियाका अध्यक्ष यादव आचार्यले यस कार्यशालाले संचारकर्म गर्ने संचारकर्मीहरुको कलम तिर्खानमा सहयोग पुगेको बताउनु भएको छ । द्वन्द्व पीडित समितिका कार्यक्रम संयोजक मान बहादुर चौधरीले संचारकर्मीहरुलाई संम्बेदनशिल विषयमा समन्वय र सहकार्यका साथ संचारकर्म गर्न संचारकर्मीहरुलाई आग्रह गर्नु भएको छ । कार्यक्रमा बर्दिया र बाँकेका संचारकर्मीहरुको सहभागिता रहेको थियो ।
