विराटनगर । कोशीका मुख्यमन्त्री केदार कार्कीले पद तथा गोपनीयताको शपथ लिनु भएको छ । सपथसँगै उहाँले सानो आकारको मन्त्रिपरिषद् पनि गठन गर्नु भएको छ ।
आफुलाई समर्थन गरेका नेपाली कांग्रेसको कोइराला समूहका शमशेर राई र एमालेका राम रानालाई समेटेर उहाँले ३ सदस्यीय मन्त्रिपरिषद गठन गर्नु भएको हो । दुवै मन्त्रीले पनि आइतबार नै शपथ लिएका छन् । उनीहरुको मन्त्रालय भने तोकिएको छैन ।
नेपाली कांग्रेसका २९ मध्ये शेखर कोइराला समूहका ८ जना र एमालेका ३९ जना प्रदेशसभा सदस्यको समर्थनमा मुख्यमन्त्री नियुक्त भएका कार्कीले एमालेलाई पनि सरकारमा सहभागी गराउनु भएको हो । अब विश्वासको मत लिएपछि मन्त्रिपरिषद् विस्तार गर्ने सहमति भएको बताइएको छ ।
