मुख्य समाचार
विश्व मत्स्य दिवसमा १० हजार माछाका भुरा छाडियो | २० वर्षको शान्ति सम्झौता, पीडितको न्यायको प्रतीक्षा अझै उस्तै | बाल संरक्षण सूचना व्यवस्थापन प्रणाली सुदृढीकरणका लागि बारबर्दियामा क्षमता अभिवृद्धि कार्यक्रम | सरकासरकारी समर्थन मूल्य कागजमै सीमित, सस्तोमा धान बेच्न बाध्य किसान | सहमती सामुदायिक वनको २०औँ साधारणसभा तथा सार्वजनिक सुनुवाइ सम्पन्न | सिउनियामा किशोरकिशोरीमैत्री स्वास्थ्य सेवा भवन निर्माण, स्वास्थ्य संस्थालाई हस्तान्तरण | बारबर्दियामा विपद् जोखिम बीमा कार्यविधिको मस्यौदामाथि समूहगत छलफल | किशोरकिशोरीमैत्री सेवा प्रभावकारी बन्दै, संरचना दिगो बनाउन सुझाव | चाडपर्व लक्षित बर्दियाका पाँच स्थानमा यात्रु सहायता कक्ष सञ्चालन | बर्दियामा ४१ प्रहरीद्वारा रक्तदान |
मुख्य समाचार
विश्व मत्स्य दिवसमा १० हजार माछाका भुरा छाडियो | २० वर्षको शान्ति सम्झौता, पीडितको न्यायको प्रतीक्षा अझै उस्तै | बाल संरक्षण सूचना व्यवस्थापन प्रणाली सुदृढीकरणका लागि बारबर्दियामा क्षमता अभिवृद्धि कार्यक्रम | सरकासरकारी समर्थन मूल्य कागजमै सीमित, सस्तोमा धान बेच्न बाध्य किसान | सहमती सामुदायिक वनको २०औँ साधारणसभा तथा सार्वजनिक सुनुवाइ सम्पन्न | सिउनियामा किशोरकिशोरीमैत्री स्वास्थ्य सेवा भवन निर्माण, स्वास्थ्य संस्थालाई हस्तान्तरण | बारबर्दियामा विपद् जोखिम बीमा कार्यविधिको मस्यौदामाथि समूहगत छलफल | किशोरकिशोरीमैत्री सेवा प्रभावकारी बन्दै, संरचना दिगो बनाउन सुझाव | चाडपर्व लक्षित बर्दियाका पाँच स्थानमा यात्रु सहायता कक्ष सञ्चालन | बर्दियामा ४१ प्रहरीद्वारा रक्तदान |

किशोरकिशोरी स्वास्थ्य अधिकार परियोजनाले विद्यालयमा सकारात्मक प्रभाव : नगरप्रमुख थारु
किशोरकिशोरी स्वास्थ्य अधिकार परियोजनाले विद्यालयमा सकारात्मक प्रभाव : नगरप्रमुख थारु

Rato Pen 374+ समाचार ( )
९ चैत्र २०८२, सोमबार

बर्दिया, बारबर्दिया ।

बारबर्दिया नगरपालिकामा सञ्चालित किशोरकिशोरी यौन तथा प्रजनन स्वास्थ्य तथा अधिकार (ASRHR) परियोजनाले विद्यालयहरूमा सकारात्मक प्रभाव पारेको नगरप्रमुख छबिलाल थारुले बताउनुभएको छ। परियोजनाअन्तर्गत काम भएका विद्यालयहरूको वातावरण अन्य विद्यालयभन्दा फरक र सुधारिएको देखिएको उहाँको भनाइ छ। साथै, राधाकृष्ण थारु जनसेवा केन्द्रको समन्वय पनि प्रभावकारी रहेको उहाँले उल्लेख गर्नुभयो।

राधाकृष्ण थारु जनसेवा केन्द्रका सचिव युवराज श्रेष्ठको अध्यक्षतामा आयोजित पालिकास्तरीय अभिमुखिकरण कार्यक्रममा नगरउपप्रमुख रत्नाकुमारी पाण्डे, प्रमुख प्रशासकीय अधिकृत गौतम भण्डारी, विषयगत शाखाका प्रमुखहरू तथा परियोजना सञ्चालन भएका वडाका वडाअध्यक्षहरूको सहभागिता रहेको थियो।

कार्यक्रममा परियोजना संयोजक सुरज अर्यालले सन् २०२६ मा सञ्चालन हुने कार्यक्रम तथा योजनाबारे जानकारी गराउनुभएको थियो। उहाँका अनुसार परियोजनाअन्तर्गत विद्यालयमा किशोरमैत्री पूर्वाधार विकास, एमएचएम (महिनावारी व्यवस्थापन) कक्ष स्थापना, शिक्षकहरूलाई यौनिकता शिक्षा तालिम, समुदायस्तरमा सचेतना कार्यक्रम, तथा किशोरमैत्री स्वास्थ्य सेवाको प्रवर्द्धन गरिनेछ।

बर्दिया जिल्लामा बालविवाह, मानव बेचबिखन, यौन शोषण तथा प्रजनन स्वास्थ्यसम्बन्धी जानकारीको कमी जस्ता समस्याहरू अझै विद्यमान रहेकाले यस्तो परियोजना अत्यन्त आवश्यक रहेको कार्यक्रममा औंल्याइएको थियो। तथ्यांकअनुसार बर्दिया बालविवाहको उच्च दर भएका जिल्लामध्ये अग्रस्थानमा रहेको छ भने १५ देखि १९ वर्ष उमेर समूहका करिब १४ प्रतिशत किशोरीहरू गर्भवती हुने गरेका छन्।

 यो परियोजना प्लान इन्टरनेशनल नेपाल र कोइका (KOICA) को सहयोगमा सञ्चालन भइरहेको छ। मार्च २०२४ देखि सुरु भई डिसेम्बर २०२६ सम्म सञ्चालन हुने उक्त परियोजना बर्दियाका गुलरिया, मधुवन, बारबर्दिया, ठाकुरबाबा नगरपालिका तथा गेरुवा गाउँपालिकामा कार्यान्वयन भइरहेको छ।

परियोजनाले किशोरकिशोरीहरूको स्वास्थ्य सुधार, अधिकार संरक्षण तथा सुरक्षित भविष्य निर्माणमा महत्वपूर्ण योगदान पुर्‍याउने अपेक्षा गरिएको छ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार