मधुवन
मधुवन नगरपालिका वडा नम्बर ५ मा आधारभूत रेडियो पत्रकारिता, उद्घोषणकला एवम् क्षमता विकास तालिम आईतबार देखि शुरु भएको छ । मधुवन नगरपालिका वडा नम्बर ५को आयोजना् तथा रामज्ञानु एफएम ८९ मेगाहर्ज सानोश्रीको समन्वयमा ७ दिने आधारभूत पत्रकारिता तालिक शुरु भएको हो ।
तालिम उद्घाटन कार्यक्रममा मधुवन नगरपालिकाका नगरप्रमुख तेजबहादुर भाटले यस तालिमले दक्ष र सक्षम संचारकर्मी तथा कुशलकार्यक्रम संचालक उत्पादन गर्ने बिश्वाश ब्यक्त गर्नु भएको छ । हामीमा सैद्धान्तिक ज्ञान हुदाहुदै पनि बोल्ने कला नभएको कारणले आफ्नो क्षमता प्रस्तुत गर्न नसकिरहेको अवस्थामा यो तालिम उपयुक्त र प्रभाबकारी हुने बताउनु भएको छ । साथै तालिमको सुभकामना पनि ब्यक्त गर्नु भएको छ ।
तालिम उद्घाटन कार्यक्रमका वडा नम्बर ५ का वडा अध्यक्ष दिलिप गुरुङ्गले स्थानीय युवाहरुको माग भएबमोजिम बजेट बिनियोजन गरेको बताउनु भएको छ । यस तालिमले आफ्नो वडामा संचारकर्मी तथा सक्षम कार्यक्रम संचालन गर्ने जनशक्ति उत्पादन हुने विश्वास ब्यक्त गर्नु भएको छ ।
तालिममा स्थानीय युवा तथा विद्यालयका विद्यार्थीहरुको सहभागिता रहेको छ । तालिममा उद्घोषणकला तथा आधारभूत पत्रकारिता सम्बन्धी जानकारी सैद्धान्तिक तथा प्रयोगात्मक तरिकाबाट संचालन गरिने कुरा रामज्ञानु एफएमका स्टेशनम्यानेजर सितल थापाले जानकारी गराउनु भएको छ ।
