बारबर्दिया,
बर्दियाको बारबर्दिया नगरपालिकामा रहेको बारबर्दिया नगर अस्पतालमा रक्त संचार केन्द्र स्थापना गर्न अन्तिम तयारीमा पुगेको छ । रक्त संचार केन्द्र संचालन पुर्व दिगो रुपमा संचालन गर्नका लागि बारबर्दिया नगरपालिकाले सर्वदलीय सर्वपक्षीय छलफल कार्यक्रमको आयोजना गरेको हो ।
पालिकामा उपलब्ध राजनीतिक दलका प्रतिनिधि, विभिन्न संघ सस्था, समूह संजालको प्रतिनिधिहरुले रक्त संकलनका लागि आ-आफ्नो क्षेत्रमा सक्ने सहयोग गर्ने प्रतिबद्धता जनाउनु भएको छ । सहभागीताहरुले रक्त संचार केन्द्रको रहेको दिर्घकालीन रुपमा संचालनका लागि योजनाबद्ध रुपमा काम गर्नु पर्ने बताउनु भएको छ । रक्त संचालन केन्द्र E वर्गको संचालन गर्ने अनुमति लिएर सम्पूर्ण मापदण्ड पूरा गरिसकेको छ । नेपाल रेडक्रस सोशाईटी बारबर्दिया उपशाखाको मातहतमा तिहार अगाडी नै संचालन गर्ने तयारी रहेको नगरअस्पतालका अध्यक्ष तिर्थ पौडेलले जानकारी गराउनु भएको छ ।
