बासगढीमा स्थानीय रोजगार रणनीति निर्माणका लागि प्रथम युवा सम्मेलन
बासगढीमा स्थानीय रोजगार रणनीति निर्माणका लागि प्रथम युवा सम्मेलन

बाँसगढी 
स्थानीय रोजगार रणनीति निर्माणका लागि बर्दियाको बाँसगढी नगरपालिकाले  प्रथम युवा सम्मेलन गरेको छ । सम्मेलनको उद्धाटन लुम्बिनी प्रदेशका मुख्य मन्त्री  चेतनारायण आचार्यले गर्नु भएको छ । उहाँले लुम्बिनी प्रदेश सरकार पालिकाहरुले गरेका रचनात्मक कामलाई प्रवर्द्धनमा सहयोग गर्न प्रतिबद्ध जनाउनु भएको छ । सैयोँ युवाहरूलाई जम्मा गरेर रोजगार रणनीति बनाउनु ऐतिहासिक रहेको र अन्य पालिकाले पनि सिको गर्नु पर्ने बताउनु भएको छ ।
बाँसगढी नगरपालिकाका नगरप्रमुख खडकबहादुर खड्काले स्वरोजगार सिर्जना गर्ने निकाय तथा क्षेत्रको प्रवर्द्धन र  विकासका लागि युवा सम्मेलनको आयोजना गरेको बताउनु भएको छ । यस सम्मेलनले बाँसगढी नगरपालिकाको सम्बृद्धि गर्ने संकल्प ठोस रणनीतिक योजना बनाउने जानकारी गराउनु भएको छ । युवालाई रोजगार र स्वरोजगार बनाउनका लागि शिपविकास, लगानी, उद्यमशिलता र बजारीकरणलाई ध्यानमा राखेर कार्यक्रमहरु संचालन गर्ने बताउनु भएको छ ।
पालिकामा रोजगारको सम्भावनाको खोजी गरेे कृषि, पशुपालन, घरेलु तथा लघुउद्यम तर्फ रोजगार तथा स्वरोजगार बनाउने उदेश्यले कार्यक्रमको आयोजना गरिएको हो ।