बर्दिया - राष्ट्रिय सहकारी बैंक लिमिटेड (NCBL) ले आफ्नो २२औँ वार्षिक साधारणसभाको अवसरमा बर्दिया जिल्लाको गुलरियास्थित सुनौलो महिला बहुउद्देश्यीय सहकारी संस्था लिमिटेडलाई सम्मान गरेको छ।
महिला सशक्तिकरण, समुदायमा सञ्चालन हुने सामाजिक गतिविधि तथा लैङ्गिक हिंसा न्यूनीकरणमा सहकारीले पुर्याएको महत्वपूर्ण योगदानको उच्च मूल्यांकन गर्दै बैंकले संस्थालाई सम्मान–पत्र प्रदान गरेको हो।
विशेष कार्यक्रममार्फत बैंकका पदाधिकारी तथा सम्मान–पुरस्कार समितिका प्रतिनिधिहरूले संयुक्त रूपमा सम्मान–पत्र हस्तान्तरण गरेका थिए। सहकारीले आर्थिक सबलीकरण, सामाजिक चेतना अभिवृद्धि र समुदायमा सकारात्मक परिवर्तन ल्याउन गरेको निरन्तर प्रयास प्रशंसनीय रहेको बैंकले जनाएको छ।
NCBL का अनुसार आउने वर्षहरूमा पनि देशभरका उत्कृष्ट सहकारी संस्था तथा सदस्यहरूको पहिचान र प्रोत्साहनका लागि यस्ता सम्मान कार्यक्रम निरन्तर रूपमा सञ्चालन हुँदै जानेछन्।
