लेटाङ । रास्ट्रिय युवा संघ नेपाल मोरङले केपी ओली कप २०८० को प्रचार प्रसारका लागि प्रतियोगिताको पूर्वसन्ध्यामा जिल्लाव्यापी कार्यक्रम सञ्चालन गरेको छ ।
रास्ट्रिय युवा संघ नेपाल मोरङले जिल्लाका १७ वटै पालिकामा कार्यक्रम गर्ने क्रममा स्थानीय पालिका कमिटीसँगको समन्वयमा मैत्रीपूर्ण क्रिकेट, फुटबल र फुटसल खेल खेलाउनुका साथै सरसफाई कार्यक्रम र लागुऔषध विरुद्धको सचेतना जस्ता सामाजिक गतिविधि सञ्चालन गरेको छ ।
जस अन्तरगत सुन्दरहरैंचा, बेलबारी, सुनवर्सी, कटहरी र केरावारीमा फुटबल प्रतियोगिता सम्पन्न भएको छ भने उर्लाबारीमा फुटसल र लागुऔषध विरुद्धको सचेतना कार्यक्रम सञ्चालन गरिएको छ ।
यस्तै विराटनगर र बुढीगंगामा क्रिकेट प्रतियोगिता तथा मिक्लाजुङमा फुटसल र सरसफाई कार्यक्रम गरिएको संगठन विभाग प्रमुख मनोज दाहालले जानकारी दिनुभयो । लेटाङमा भोलि आइतबार भलिवल प्रतियोगिता गराइने तथा जहदा र धनपालथानमा आउँदो शनिबार क्रिकेट प्रतियोगिता गर्ने तयारी रहेको उहाँको भनाइ छ ।
केपी ओली कपको प्रचार प्रसारका साथै युवाहरुलाई खेलकुद क्षेत्रमा आकर्षित गर्दै लागुऔषध दुव्र्यसनीबाट टाढै राखेर स्वास्थ्य समाज निर्माण गर्ने उद्देश्यले जिल्लाव्यापी कार्यक्रम गरिएको संघका जिल्ला अध्यक्ष प्रविण घिमिरेले बताउनुभयो ।
रास्ट्रिय युवा संघ नेपाल मोरङले आगामी दिनमा पनि यस्तै प्रकारका सामाजिक र जनमुखि अभियानलाई निरन्तर दिंदै जाने उहाँको भनाइ छ । केपी ओली कप आगामी फागुन ११ गतेदेखि १९ गतेसम्म काठमाडौंमा सञ्चालन हुँदैछ ।
