मोरङ । लेटाङमा जारी दोस्रो मेयर कप फुटवल प्रतियोगितामा वडा १ लाई पराजित गर्दै वडा नम्बर ५ क्वाटरफाइलनमा प्रवेश गरेको छ । आज असार १५ गते भएको खेलमा वडा नं ५ ले वडा नं १ लाई १ का विरुद्ध ३ गोलले पराजित गर्दै क्वाटर फाइलनमा पुगेको हो । वडा नम्बर ५ को तर्फबाट जर्सी नं ७ का गणेश कार्कीले २ गोल र जर्सी नं ९ का मोदी राईले १ गोल गरे भने वडा १ को तर्फबाट जर्सी नं २ का युकेश लिम्बूले सान्त्वना गोल फर्काए । आजको खेलको म्यान अफ द म्याच वडा न. ५ का खेलाडी गणेश कार्की घोषित भए ।
आज विजयी भएको वडा नम्बर ५ ले आइतबार हुने क्वाटरफाइलन खेलमा वडा नम्बर ४ को सामना गर्नेछ । अन्य टीमहरुले सिधै क्वाटरफाइलन खेल खेलिरहँदा वडा नम्बर ५ ले भने वडा नम्बर ८ लाई पराजित गरेर मात्रै क्वाटरफाइनलमा स्थान बनाएको हो ।
लेटाङ नगरपालिका वडा नं ३ स्थीत कमलपुर खेल मैदानमा संचालन भइरहेको प्रतियोगिता अन्तरगत भोलि शनिबार वडा नं ३ र वडा नं ८ बीच प्रतिस्पर्धा हुनेछ । घरेलु मैदानमा मेयर कप खेल्ने अवसर पाएको वडा नम्बर ३ लाई उपाधि दाबेदारको रुपमा समेत लिने गरिएको छ ।
नगरका ९ वटै वडा सहभागि प्रतियोगिताको फाइनल खेल भने असार २२ गते हुनेछ । प्रतियोगिताबाट छनौट भएका खेलाडीहरुलाई समेटेर नगर स्तरीय फुटबल टीम तयार गर्ने योजना रहेको नगर खेलकुद विकास समितिका सदस्य सचिव कृष्णराज राईले जानकारी दिनुभयो । प्रतियोगितामा उपाधि विजेता टीमले नगद १ लाख ३५ हजार र उपविजेता टीमले ६५ हजार पुरस्कारसहित ट्रफि पाउने छन् ।
