मधुवन नगरपालिका–१, सूर्यपटुवा स्थित त्रिभूवन माध्यमिक विद्यालयका कक्षा १० (सेक्शन ‘A’) का विद्यार्थीहरूले मानवता र सहानुभूतिको अनुकरणीय उदाहरण प्रस्तुत गरेका छन्।
कक्षा १० (सेक्शन ‘A’) का ३३ जना विद्यार्थीहरूले आफ्नो दैनिक खाजाका लागि पाउने पकेट मनी बचत गरी जम्मा गरेको करिब पाँच हजार रुपैयाँ बराबरको सहयोग सामग्री मधुवन नगरपालिका–१, पथ्थरबोझीमा अवस्थित सरस्वती आधारभूत विद्यालयका ३५ जना अनाथ बालबालिकालाई हस्तान्तरण गरेका हुन्।
सहयोग हस्तान्तरण कार्यक्रममा कक्षा शिक्षक दीपेन्द्र यादवसहित विद्यालय परिवारको उपस्थिति रहेको थियो। सानै उमेरदेखि समाजप्रति उत्तरदायित्व बोध गर्दै गरिएको यस कार्यले विद्यालय मात्र नभई समग्र समुदायलाई नै प्रेरणा दिएको विद्यालय पक्षले जनाएको छ।
किताबी ज्ञानमा मात्र सीमित नरही व्यवहारमै मानवता, सहकार्य र करुणाको अभ्यास गरिरहेका विद्यार्थीहरूको यस कार्य अत्यन्तै प्रशंसनीय रहेको विद्यालय प्रशासनले बताएको छ।
त्रिभुवन माध्यमिक विद्यालय परिवारले कक्षा १० (सेक्शन ‘A’) का सम्पूर्ण विद्यार्थीहरू तथा कक्षा शिक्षक दीपेन्द्र यादवप्रति हार्दिक धन्यवाद व्यक्त गर्दै आगामी दिनमा पनि यस्ता सामाजिक कार्यलाई निरन्तरता दिने विश्वास व्यक्त गरेको छ।
Good job dear students