बारबर्दिया
बारबर्दिया नगरपालिकाको वडा नम्बर २ लाई बाल विवाह मुक्त वडाको रुपमा घोषणा गरिएको छ । लुम्बिनी प्रदेशका सामाजिक विकास मन्त्री जन्मजय तिमिल्सिनाले एक कार्यक्रमका साथ बारबर्दिया नगरपालिकाको पहिलो बाल विवाह मुक्त वडाको रुपमा घोषणा गर्नु भएको हो ।
नेपालमा सन् २०३० सम्ममा नेपाललाई बाल विवाह मुक्त बनाउने राष्ट्रिय रणनीति अनुसार बारबर्दिया नगरापालिकालाई वि.स.२०८३ सम्ममा बाल विवाह मुक्त पालिका बनाउने कार्ययोजना अन्तरगत पहिलो चरणमा वडा नम्बर २ लाई बाल विवाह मुक्त घोषणा गरिएको छ । यसैगरी यस बर्षमा ४ वटा वडालाई बाल विवाह मुक्त घोषणा गर्ने योजनाका साथ घोषणाको तयारी भईरहेको छ । यस बर्ष बारबर्दियाको वडा नम्बर २ लाई घोषणा गरिएको छ । यसैगरी वडा नम्बर ७, ५ र ६ क्रमशः बाल विवाह मुक्त घोषणा यसै बर्ष गर्ने कार्यक्रम रहेको छ ।
बारबर्दिया नगरपालिकाले बाल विवाह मुक्त अभियान संचालन निर्देशिका २०७८ अनुसार वडामा १५ प्रतिशत भन्दाकम बाल विवाह भए घोषणा गर्न सकिने थ्रेसहोल्ड, र वडा स्तरमा बिभिन्न किसिमका बाल विवाह रोकथाकका क्रियाकलाप तथा सुचकहरु पुरागरी कार्यान्वयन गरेको वडालाई बाल विवाह मुक्त घोषणा गर्न सक्ने ब्यबस्था रहेको छ । सोही सुचक तथा क्रियाकलापहरु पुरा गरेकोले वडा नम्बर २ लाई बाल विवाह मुक्त घोषणा गरिएको छ । साथै अबका दिनहरुमा यसलाई घटाउदै बाल विवाह दर ० प्रतिशतमा झार्ने प्रतिबद्धता गरिएको छ ।
कार्यक्रमका प्रमुख अतिथि तथा लुम्बिनी प्रदेशका सामाजिक विकास मन्त्री जन्मजय तिमिल्सिनाले प्रदेश सरकार पनि समुदायमा सामाजिक समास्याको रुपमा रहेको बाल विवाहलाई अन्त्य गर्नका लागि हातेमालो गर्न तयार रहेको बताउनु भएको छ । सरकार, राजनीतिक दल, संघसंस्था तथा समुदायमा रहेको सम्पुर्ण संयन्त्रहरु एकजुट भएर बाल विवाहको बिरुद्धमा उभिए पक्कै पनि बाल विवाहलाई अन्त्य गर्न सकिने बताउनु भएको छ । साथै बाल विवाह न्युनिकरणमा अभियानमा लाग्नुहुने ब्यक्ति तथा निकायलाई सम्मान गर्नु भएको छ ।
बारबर्दिया नगरपालिका वडा नम्बर २का वडा अध्यक्ष रामफेरन थारुको साभध्यक्षतामा भएको कार्यक्रममा बिभिन्न समुह संजालबाट सचेतनामुलक साँस्कृतिक झाकी, कलाकारहरुको कला प्रस्तुती, बाल विवाह न्युनिकरण अभियानको समर्थनमा ब्यानरहरु राखिएको थियो । साथै सहयोगी संस्था भेरी वातावरणीय विशिष्टता समुह( बि ग्रुप), राधा कृष्ण थारु जनसेवा केन्द्रको समन्वयमा समुदाय स्तरमा बिभिन्न किसिमका सचेतनाकुलक कार्यक्रमहरु संचालन गर्दै आएको र घोषण कार्यक्रम संचालन गरेको छ ।
