मधुवन
बर्दियाको मधुवन नगरपालिका अर्थिक बर्ष २०८१÷०८२ को संसोधित बजेट तथा कार्यक्रम पन्ध्रौ नगरसभामा प्रस्तुत गरी एक मतका साथ पास गरेको छ । मधुवन नगरपालिकाको पन्ध्रौ नगरसभामा नगर उपप्रमुख अनिता चौधरीले ३० करोड ७५ लाख ८७ हजार ३ सय ८३ रुपैयाँ बजेट प्रस्तुत गरेकोमा सभाले एकमतका साथ पास गरेको हो ।
नगरसभामा जम्मा ब्यय २० करोड १६ लाख २१ हजार ६ सय ६९ रुपैयाँ अर्थात जम्मा व्यय ३०.२२ प्रतिशत रहेकोमा चालु तर्फ १७ करोड ५४ लाख १३ हजार ७ सय ८१ रुपैयाँ र २ करोड ६२ लाख ७ हजार ८ सय ८८ रुपैयाँ तथा मौज्दात १० करोड ५९ लाख ६५ हजार ७ सय १४ रुपैयाँ बराबरको बजेट प्रस्तुत गर्नु भएको छ ।
साथै चालु आर्थिक बर्ष २०८१÷०८२ पौष सम्म आन्तरिक आयलाई बृद्धि गर्न गेरुवा कर्णाली नदी र बबई नदीबाट नदिजन्य पदार्थ उत्खनन तथा बिक्री वितरण ब्यबस्थापनको लागि ठेक्का आह्वान भएको, आयमुलक सटर भाडा ठेक्का प्रक्रियामा रहेको जानकारी गराउनु भएको छ । संघीय समपुरक संघीय ससर्त र प्रदेश समपुरक, प्रदेश विशेष अनुदानबाट संचालन हुने आयोजनहरुको ठेक्का गैसकेको र अब छिट्टै गर्न कार्यान्वयनमा जाने जानकारी गराउनु भएको छ ।
पन्ध्रौ नगरसभाको सभाध्यक्षता नगरप्रमुख तेजबहादुर भाटले गर्नु भएको थियो । नगरसभापश्चात नगरप्रबक्ता मेकबहादुर गुरुङ्गले संचारकर्मीहरु संग शन्तिपुर्ण र शौर्हाद पुर्ण वातावरणमा नगर सभा सम्पन्न भएको बताउनु भएको छ । साथै संचारकर्मीहरु मार्फत मधुवनबासीलाई २०८९ साल एता भएको प्रगतिको बारेमा जानकारी गराउने बचनबद्धता गर्नु भएको छ ।
