बारबर्दिया
बारबर्दिया नगरपालिकाको वडा नम्बर १ र २ मा रहेको सामुदायिक विपद् ब्यबस्थापन समिति ( सि.डि.एम.सीे.)लाई समुदाय स्तरीय विपद् ब्यबस्थापन सम्बन्धी २ दिने तालिम प्रदान गरीएको छ । समितिका पदाधिकारीहरुलाई विपद् ब्यवस्थापनका गतिबिधिहरुको योजना बनाउने, जोखिम कम गर्ने र विपद् पश्चात, विपद् प्रतिकार्य, उद्धार तथा पुनःस्थापना कार्यमा सहभागी हुने बारेमा जानकारी गराउने उदेश्यले तालिमको आयोजना गरिएको हो ।
तालिममा सहभागीहरुलाई विपद् ब्यबस्थपानको काम, विपद्को अवस्था, विपद् जोखिमको पहिचान, बारे जानकारी गराई बिपद् ब्यबस्थापनको चक्र पुर्व तयारी, प्रतिकार्य, पुनःलाभ, सुधारात्मक र सभाब्यतामा पर्ने कुराहरुको बारेमा जानकारी गराईएको छ । समुदायमा आधारित पुर्व सुचना तथा पुर्व चेतावनी प्रणाली, कस्तो बेलामा सुचना प्रर्वाह गर्ने, सुचना प्रवाह गर्दा आधिकारिक तथा विश्वशनीय हुनु पर्ने, लिड टाईम र स्थानान्तरण समय बारे जानकारी हुने पर्ने, र लिड टाई बढाउनु पर्ने, स्थानान्तरण समय घटाउदा जोखिम न्युनिकरण तथा सुरक्षित प्रतिकार्य हुने लगाएत बिषयमा जानकारी गराईएको छ । साथै सहभागीहरुले आफ्नो टोल तथा गाँउको नम्सा बनाएर विपद् जोखिम पहिचान तथा जोखिम योजना निर्माणका लागि सामुहिक छलफल गर्नु भएको छ ।
तालिम समापन कार्यक्रममा बिपद् जोखिम बारे स्थानीय तथा सामुदायिक विपद् ब्यबस्थापन समितिलाई जानकारी हुने भएकाले उहाँहरुले गरेको नक्साङ्गनलाई आधारमान्नु पर्ने वडा नम्बर १ र २ का वडा अध्यक्ष कैलाशपति थारु र रामफेरन थारुले बताउनु भएको छ । विपद् जोखिम रहेका सबै टोल तथा गाँउको योजना बनाउनु पर्ने बताउनु भएको छ । बास्तविक विपद् जोखिम रहेको समुदायमा कार्यक्रम ल्याएर काम गरीराख्नु भएका संस्थालाई स्वागत तथा धन्यबाद दिनु भएको छ । साथै उहाँहरुले यस्तो खालको कार्यक्रमले विपद् जोखिम न्युनिकरणमा सहयोग पुग्ने बताउनु भएको छ ।
स्वीस री फाउन्डेसन, बि ग्रुप, प्रक्टिकल एक्सनको साझेदारीमा संचालित समुदायका लागि जलवायु उत्थानशील कार्यक्रम अन्तरगत तालिम संचालन गरिएको छ । तालिमको सहजिकरण तथा ब्यस्थापन कार्यक्रमका परियोजना अधिकृत अशोक चौधरी, जनक चौधरी, सामुदायिक परिचालक डिल्लीराम चौधरी, बिपना थारुले गर्नु भएको छ ।
