बर्दिया,
बर्दियामा बबई नहरको पानी नुहाउन गएका एक बालकको पानीमा डुबी मुत्यु भएको छ । ठाकुरबाबा नगरपालिका ४ खैलारका १३ बर्षीय बालक असिन थारु आफ्नो उमेर समुहका ६ जना साथीहरुसंगै बबई नहरमा नुहाउने क्रममा डुबेर मृत्यु भएको हो ।
नहरको पुलबाट हामफालेर नुहाउने क्रममा बेपत्ता भएका बाल स्थानीय समुदाय र प्रहरीको खोजीकार्य गर्दैगर्दा नहरमा करिब ५० मिटर तल स्यावलीमा बेरीएको अवस्थामा बिहीबार बेलुकी मृतफेला परेको प्रहरीले जनाएको छ । अहिले मृतक बालकको सब पोष्टमार्टमका लागि जिल्ला अस्पताल गुलरियामा लगिएको र घटनाबारे थप अनुसन्धान भईरहेको जिल्ला प्रहरी कार्यालका प्रहरी नायब उपरीक्षक तुल्सीराम अर्यालले जानकारी गराउनु भएको छ ।
