बारबर्दिया— बारबर्दिया नगरपालिका को १९ औँ नगरसभाका अवसरमा प्रमुख प्रशासकीय अधिकृत गौतम भण्डारी लाई उत्कृष्ट राष्ट्रसेवक कर्मचारीका रूपमा सम्मान गरिएको छ।
नगरपालिकाले प्रशासनिक कार्यसम्पादन, सेवा प्रवाहको प्रभावकारी व्यवस्थापन तथा कर्मचारी परिचालनमा उल्लेखनीय भूमिका निर्वाह गरेको मूल्याङ्कन गर्दै भण्डारीलाई उक्त सम्मान प्रदान गरेको जनाएको छ।
नगरसभामा नगरका जनप्रतिनिधि, कर्मचारी तथा सरोकारवालाहरूको उपस्थितिमा सम्मान गरिएको हो। नगरपालिकाको प्रशासनिक प्रणालीलाई व्यवस्थित बनाउन, विकास निर्माण तथा सेवा प्रवाहका कार्यलाई प्रभावकारी रूपमा अगाडि बढाउन भण्डारीले महत्वपूर्ण योगदान पुर्याएको भन्दै नगरसभाले उनको कार्यको उच्च प्रशंसा गरेको थियो।
बारबर्दिया नगरपालिकाले उत्कृष्ट कार्यसम्पादन गर्ने कर्मचारीहरूको मनोबल उच्च बनाउन तथा जिम्मेवारीप्रति थप उत्प्रेरित गर्न यस्ता सम्मान कार्यक्रमलाई निरन्तरता दिँदै आएको जनाएको छ।
