मधुवन,
मधुवन नगरपालिकामा बिपद् ब्यबस्थापन समितिको बैठकमा विपद्मा परेकाहरुलाई राहत वितरण तथा सिचो बढेको कारण समुदायिक बन तथा बन कार्यालयबाट दाउरा उपलब्ध गराउन माग गर्ने निर्णय गरेको छ । आईतबार मधुवन नगरपालिकाका नगरप्रमुख तेजबहादुर भाटको अध्यक्षतामा बसेको बैठकले उक्त निर्णय गरेको हो ।
राहत वितरण गर्दा मधुवन नगरपालिकाको बिपद् ब्यबस्थापन कोष संचालन तथा श्रोत परिचालन कार्यविधि २०७८ अनुसार नै रातह वितरण गर्ने निर्णय गरेको छ । साथै कार्यविधि संशोधनको बिषयमा सामान्य छलफल भएको छ । बैठकमा राजनीतिक दलका प्रतिनिधिहरुले घटनाको प्रकृति हेरेर राहत दिनु पर्ने कुरामा जोड दिनु भएको छ । साथै रातह वितरण गर्ने बेला बिमा, बर्दिया राष्ट्रिय निकुञ्ज वा डिभिजन बन कार्यालयले दिने राहतमा दुब्लीकेशन नहुने किसिमले वितरण गर्नु बताउनु भएको छ । सामान्य क्षति÷घाईते, पुर्ण क्षती व सक्त घाईतेको ब्याख्या अझ बिस्तृत रुपमा गर्नु पर्ने कुरामा जोड दिनु भएको थियो । छलफलमा सहभागीहरुले वडा स्तरबाट नै राहतका लागि सिफारिश गर्दा सहिमुल्याँकन गरेर पठाउनु पर्ने, बास्तविक तथा पीडित नै द्रुतगतिमा राहत पाउने खालको ब्यस्था हुने पर्ने कुरामा जोड दिनु भएको छ । हाल चिसो बढदै गएकोले गरिब विपन्न तथा चोक चौराहामा आगो ताप्नका लागि सामुदायिक बन, बन कार्यालयसंग दाउरा उपलब्ध गराउनका लागि अनुरोध गर्ने निर्णय गरेको छ ।
