काठमाडौं । इजरायलमा मृत्यु भएका नेपालीको सम्झनामा सरकारले भोलि राष्ट्रिय शोकको घोषणा गरेको छ । सोमबार दिउँसो बसेको मन्त्रिपरिषद्को विशेष बैठकले राष्ट्रिय शोकको घोषणासँगै राष्ट्रिय झण्डा आधा झुकाउने निर्णय गरेको सञ्चारमन्त्री रेखा शर्माले जानकारी दिनुभयो ।
साथै मृतकका परिवारलाई १० लाख रूपैयाँका दरले राहत दिने निर्णय पनि मन्त्रिपरिषद बैठकले गरेको छ । यस्तै इजरायलमा रहेका नेपालीहरूलाई सरकारले स्वदेश ल्याउने निर्णय पनि गरेको छ ।
स्वदेश आउन चाहने सबैलाई उद्धार गर्ने मन्त्रिपरिषद बैठकले निर्णय गरेको सञ्चारमन्त्री रेखा शर्माले जानकारी दिनुभयो ।
यसअघि उपप्रधान तथा गृहमन्त्री नारायणकाजी श्रेष्ठले मंगलबार शोक बिदा दिने मन्त्रिपरिषद्ले निर्णय गरेको भनेर जानकारी दिएको भनि आएको समाचार गलत भएको पाइएको छ ।
