सुन्दरहरैंचा । राष्ट्रपति रामचन्द्र पौडेल अस्वस्थ हुनु भएको छ । मुटुमा समस्या आएपछि राष्ट्रपति पौडेल शहीद गंगालाल राष्ट्रिय हृदय केन्द्रमा भर्ना हुनु भएको हो । अस्पतालले विज्ञप्ती जारी गरि राष्ट्रपति पौडेल अस्पतालमा भर्ना हुने भएको औपचारिक जानकारी दिएको छ । उहाँलाई चिकित्सकको सल्लाह अनुशार अब २४ घण्टासम्म अवलोकनमा राखि भोलिसम्ममा डिस्चार्ज गर्ने तयारी भइरहेको जनाइएको छ । उहाँको स्वास्थ्य अवस्था सामान्य रहेको विज्ञप्तीमा उल्लेख गरिएको छ । राष्ट्रपति पौडेल वैशाख १७ गते राति भारतको नयाँ दिल्लीस्थित एम्स अस्पतालमा उपचारपछि नेपाल फर्कनु भएको थियो । वैशाख ६ गते उहाँ नयाँ दिल्ली पुग्नु भएको थियो ।
