मोरङ । प्रहरी हुँ भन्दै लुटपाट गर्ने कार्यमा संलग्न २ जनालाई मोरङ प्रहरीले पक्राउ गरि सार्वजनिक गरेको छ । गत असोज २२ गते विराटनगरको रोडसेसमा मोटरसाइकल रोकी प्रहरी हुँदै भन्दै विराटनगर १२ रानी बस्ने रवि कुमार साह सुडीलाई लुटपाट गर्ने कार्यमा संलग्न २ जनालाई प्रहरीले पक्राउ गरि सार्वजनिक गरेको हो ।
लुटपाटमा संलग्न विराटनगर १ टंकी बस्ने ३८ वर्षीय दीपक तामाङ र विराटनगर ४ खार्जी बस्ने ३६ वर्षीय सुनिल थापालाई बिहीबार विराटनगर १ धनावतपुल नजिकबाट नियन्त्रणमा लिएको मोरङ प्रहरीले जनाएको छ ।
गत असोज २२ गते रवि कुमारलाई रानीबाटै पिछा गर्दै आएर २ जनाले रोडसेसमा मोटरसाइकल रोकी प्रहरी हुँ भन्दै मोटरसाइकल नियन्त्रणमा लिएर विराटनगर २ स्थित हनुमान मन्दिर परिसरमा लगि धाकधम्की दिइ रवि कुमार साह सुडीको साथबाट नगद बोकेको झोला लुटेर फरार भएको प्रहरीले जनाएको छ ।
पक्राउ परेकाहरुको साथबाट बा ६७ प २५०४ नम्बरको रोयल इीन्फीलेण्ड मोटरसाइकल १ थान, नगद ८ लाख ६५ हजार, नागरिकता, चेक, एटीएम लगायतका कागजपत्र बरामद गरेको प्रहरीले जानकारी दिएको छ ।
