बारबर्दिया नगरपालिकामा आयोजित छैठौँ मेयरकप फुटबल प्रतियोगितामा छात्र तर्फ अंशुवर्मा माध्यमिक विद्यालय, जयनगरले विजेताको उपाधि हात पारेको छ । आज सोमबार सम्पन्न फाइनल खेलमा अंशुवर्मा माविले जनसेवा माध्यमिक विद्यालय, बैदीलाई ३–० गोल अन्तरले पराजित गर्दै विजेता बन्न सफल भएको हो ।
कार्तिक २१ गतेदेखि सञ्चालन भएको प्रतियोगितामा सामुदायिक र संस्थागत गरी १६ वटा माध्यमिक विद्यालयको सहभागिता रहेको थियो ।
त्यसैगरी, छात्रा तर्फको खेलमा सिम्हा माध्यमिक विद्यालय, बेलभारले विजेताको उपाधि हात पारेको छ ।
बारबर्दिया नगरपालिकाको आयोजनामा र वडा नम्बर ७ मा रहेकाे जनता माध्यमिक विद्यालय, रम्मापुरको संयोजनमा सम्पन्न मेयरकप फुटबल प्रतियोगिता आज औपचारिक रुपमा सम्पन्न भएको हो ।
यसैबीच, भोलिदेखि जनता माध्यमिक विद्यालय, रम्मापुरको संयोजनमा राष्ट्रपति रनिङ शिल्ड प्रतियोगिता सुरु हुने भएको छ । उद्घाटन समारोहसँगै रम्मापुरको ५ नम्बर खेलमैदान मा रक्तदान कार्यक्रमको पनि आयोजना गरिनेछ । उक्त प्रतियोगितामा बारबर्दिया नगरपालिकाका १६ वटै माध्यमिक विद्यालयले सहभागिता जनाउने जनाइएको छ ।
